مصر تبدأ استخراج ثروات كبيرة من سيناء! مصر بدأت رسميًا إنتاج البترول من بئر جديدة في واحد من أكبر حقول سيناء، واسمه بلاعيم البحري 133. البئر يعتبر أول نتيجة فعلية لبرنامج استثماري جديد بالتعاون مع شركة إيني الإيطالية، من خلال شركة بتروبل المشتركة بين الهيئة المصرية العامة للبترول وإيني. ماذا يعني الكلام ده ؟ يعني في استثمارات جديدة نزلت أرض الواقع، وحفر فعلي وإنتاج فعلي بدأ يطلع بترول. معدلات الإنتاج الأولية تتحدث عن حوالي 1500 برميل زيت خام يوميًا من البئر الجديدة، وده رقم مبدئي قابل للزيادة مع تحسين الأداء خلال الفترة الجاية وكمان جهاز الحفر الموجود حاليًا هيبدأ يحفر بئر تانية اسمها بلاعيم البحري 131 ضمن نفس الخطة، يعني الشغل مكمل ومش مجرد تجربة وخلاص. المهم كمان إن حقل بلاعيم نفسه يعتبر من أهم وأكبر حقول البترول في مصر، ويصل إنتاجه حاليًا لحوالي 60 ألف برميل يوميًا، وهذا رقم كبير ويمثل جزء مهم من إنتاج مصر النفطي. التحرك ده معناه إن الدولة بتحاول تزود الإنتاج المحلي، وتستغل الموارد الموجودة خصوصًا في مناطق زي خليج السويس وسيناء، وده بيقلل الضغط شوية على الاستيراد ويدعم موارد الدولة الدولارية. الموضوع مش مجرد بئر جديدة وخلاص، ده جزء من خطة أوسع لزيادة الإنتاج وجذب استثمارات في قطاع الطاقة، خصوصًا مع شركات عالمية كبيرة. الأيام الجاية هتبين هل الأرقام هتزيد قد إيه، لكن الواضح إن في تحرك واضح في ملف البترول في سيناء