بوتين والسيسي على خط النار.. والخليج في معسكر تاني! لعبة الكبار بدأت.. ومصر وروسيا بيغيروا قواعدها! موضوع مصر وروسيا وإيه سر التحركات اللي حاصلة وليه الدنيا سخنة بالشكل ده؟! مش صدفة إن السيسي وبوتين يكلموا بعض تليفون… ولا صدفة إن النهاردة بوتين يقابل وزير خارجية مصر بنفسه وبأكبر وفد روسي وبشكل مخالف للبروتوكول 👀 ولا حتى إنه يقول صراحة: "نتمنى زيارة الرئيس السيسي قريب" كل ده معناه إن الموضوع كبير… وخطير جداً… ومش بيتقال كله في الإعلام. المشهد كاملا بعد زيارة زيلينسكي (رئيس أوكرانيا) للخليج… وتوقيع اتفاقيات دفاعية مع السعودية وقطر… الخطوة دي أزعجت روسيا بشكل واضح. ليه؟ لأن ده معناه إن الخليج بيدخل أكتر في محور معادي لروسيا. الرد الروسي لم يتأخر روسيا دعمت إيران بمعلومات استخباراتية عالية الدقة وإيران بدأت تضرب أهداف حساسة جداً… اجتماعات لقيادات عسكرية أمريكية في الإمارات ومواقع استراتيجية ماكنش حد يعرف عنها حاجة! وده معناه إيه؟ إن روسيا دخلت لاعب أساسي… وقررت "تقرص ودان" الخليج. طيب… مصر في الصورة فين؟ لازم تعرف إن أهم دولتين محوريين في الشرق الأوسط بالنسبة لروسيا هما: مصر إيران وده مش جديد… ده ثابت من أيام الاتحاد السوفيتي إن الدولتين دول لازم يفضلوا ثابتين ومايحصلش لهم حاجة. علشان كده… بوتين قال للسيسي بالبلدي: "مش عايزك تشيل هم أي حاجة" وبدأت العروض الكبيرة: الغاز الروسي تحت أمركم (روسيا أكبر دولة عندها احتياطي غاز في العالم) إرسال ناقلات غاز لمصر مصر تبقى مركز توزيع ولوجيستي للغاز الروسي في المنطقة الغاز بسعر ثابت ومخفض ومصر لها حرية التسعير وإعادة التصدير وده معناه ببساطة: مصر تمسك سوق الطاقة في المنطقة بإيدها كمان مصر تبقى مركز للحبوب الروسية قمح يتخزن في صوامع مصر تحقيق اكتفاء ذاتي والتصدير للخارج المنطقة الصناعية الروسية في محور قناة السويس: ضخ استثمارات ضخمة جداً تسريع الإنشاء دخول صناعات روسية ثقيلة ومتقدمة مفاعلات الضبعة النووية: تسريع التنفيذ تحقيق فائض كهرباء تصدير الطاقة للخارج تقليل الاعتماد على الغاز والبترول ملف السلاح: في مفاوضات على صفقة عسكرية كبيرة جداً مش كل تفاصيلها هتتعلن وأقرب لفكرة "قرض بدون فوائد" الهدف؟ سد أي فجوة تسليحية… وتحقيق توازن إقليمي طيب نروح للنقطة الأخطر مصر حاولت تهدي روسيا تجاه الخليج بعد خطواتهم الأخيرة اللي البعض شايفها "مراهقة سياسية" مش قرارات دول كبيرة لكن الرد الروسي كان واضح استهداف أهداف خليجية على الأرض بدقة عالية جداً وحساسة وسرية لأول مرة بالشكل ده استخدام صواريخ متطورة "لا تصد ولا ترد" وده تطور خطير جداً في طبيعة الصراع الأخطر بقى روسيا قالت لمصر بشكل صريح: لو أمريكا عملت اجتياح بري لإيران… وضربت البنية التحتية… الخليج وإسرائيل هيدفعوا تمن باهظ جداً تمن "ما يتخيلهوش حد" كل الأهداف مرصودة بالأقمار الصناعية الروسية والصواريخ في إيران جاهزة ومستنية إشارة واحدة لكن في المقابل الإمارات + السعودية + الكويت + إسرائيل عندهم إصرار على الحرب البرية وبيضغطوا على ترامب بكل الطرق علشان إنهاء إيران تماماً: إسقاط النظام إنهاء البرنامج النووي والصاروخي استعادة الجزر الإماراتية السيطرة على المضايق وبعد كده… الخطة الأخطر: تطبيع كامل مع الخليج إنشاء خطوط بديلة لقناة السويس نقل النفط عبر الأراضي المحتلة وده معناه ضربة قوية جداً للاقتصاد المصري مش بس كده… إسرائيل شايفة إن مصر "محطتها التالية" بعد إيران… وسوريا… ولبنان… والضفة أمريكا عايزة تنسحب… وتسيب المنطقة لإسرائيل تديرها بالكامل والأخطر… إن بعض دول الخليج بقت تثق في أمريكا وإسرائيل أكتر من مصر وده معناه إن القرار مش بإيديهم بالكامل ضعف… وهشاشة… وفقدان سيادة طيب مصر بتعمل إيه وسط كل ده؟ مصر بتتحرك… بس بهدوء شديد وذكاء: تحالفات مع روسيا الصين أوروبا تركيا دول شمال أفريقيا (ماعدا المغرب) دول شرق وغرب أفريقيا الدول المطلة على البحر الأحمر كل ده بعيد عن الضجيج… لكن بيغير ميزان القوى الخلاصة المنطقة على حافة انفجار كبير صراع دولي بيتشكل من جديد وحرب ممكن تشتعل في أي لحظة لكن… مصر مش متفرج دي لاعب أساسي… ومحوري… وتقيل جداً وكل خطوة محسوبه