الكاتب : طاهر عنان
🔴⚫️ #مقتل_شاب_بالاسكندرية_دبحوه_قبل_فرحه_بشهر
#التفاصيل_حسب_رواية_الاهالي
النهارده بقي وباختصار للي حصل شاب من ابناء ابو سليمان دايرة الرمل المحترمين مش الصيع البلطجيه محترم وابن ناس اتدبح.. ايوه ماتخضوش كدا ياجماعه دا لا اتسرق ولا اتعور ولا اتقتل عادي زي مابيحصل لا دا اندبح وبدم بارد احنا خلاص بقينا عايشين والله العظيم ف غابه مابقاش حد بيدور علي حد ولا حد بيرجع حق حد عاوز تدبح ادبح عادي اي يعني هاتدخل السجن سنتين تلاته وتطلع اي المشكله مادا الطبيعي عندنا دلوقتي.
عبد الرحمن واسم شهرته "كمننه" اللي هوا 22سنه اللي هوا فرحه شهر 7 الجاي اتدبح النهارده بدم بارد..
#القصه زي مافهمت من والدته من الفيديو ان واحد من عيله كبيره اتعارك مع خطيب اخت عبد الرحمن وماسكتش علي كدا طلع عند بيت خطيبته اللي هيا اخت عبدالرحمن واتهجمو عليهم ف البيت وكسروه وضربوها وطبعا عبد الرحمن راجل ودمه حر ازاي اهل بيته يحصل فيهم كدا حصلت مشاده مابينهم وعبدالرحمن ولا سحب سكينه ولا مطوه ولا اي حاجه راح باحترامه عمل محضر في القسم وطبعا دخلو وطلعو بفلوسهم .. طبعا الموضوع مخلصش علي كدا ازاي واحد زيك يدخلني القسم.. فضلو ساكتين عن الموضوع ومتربصين ليه لحد ماعرفو انو واقف علي فرش الخضار بتاعه في السوق في ابو سليمان ونزل وتلاته اربعه معاه "محمود رمضان جابر الانصاري الشهره(حوده العربي)و
محمد رمضان جابر الانصاري الشهره( حلسا العربي)و
جابر رمضان جابر الانصاري و
ابن خالهم سلطان العربي و جابر حمدي سعد الشهره( ميدو العربي) و محمد حمدي سعد الشهره ( سلطان العربي) ونسيبهما شهرته ( مؤمن ابو جموس)" ودبحوه واي حد يدخل يسلك يتعور وكل الناس كانت خايفه.. اخو عبد الرحمن دمه حر وراجل مقدرش يشوف اخوه كدا اول ماشافوه راحو نازلين عليه بالسكاكين ايده ورجله مابقوش نافعين وللعلم هوا دلوقتي في الميري بين الحياه والموت وعبد الرحمن اتوفي في الحال.. شوفو حرقة دم امه في الفيديو ست غلبانه بتبيع طماطم ف السوق شوفو لما عيالها الاتنين واحد يموت وواحد عاوز عمليات بتكلفة 70الف جنيه عشان يرجع يمشي ومش هايبقي كمان زي الاول..
شوفو اخواته البنات بعد ماحصل اللي حصل حاسين بإيه دلوقتي وهما مابقاش ليهم ضهر غير ربنا ياجماعه بالله عليكو لازم البوست دا يتعمله شير كتير عشان يوصل لمسؤولين وعشان يشوفو القسم اللي اي حد بيقتل ويدبح عادي ويطلع من جوه بالفلوس وكبيره سنتين تلاته ويطلع.. حق عبد الرحمن لازم يرجع..
اكتر حاجه وجعت قلبي ملحقتش اصورها وهيا بتنادي عليه قدام المشرحه وتقولي ياولا قوم اطلعلي ياولا ماتحرقش قلبي عليك ياضنانا.. جمله وجعت قلبي وتوجع قلب اي حد وربنا مايكتبها علي حد لازم كلنا نرجع حق عبد الرحمن وحق الست الغلبانه اللي كل مصدر رزفها من فرش خضار في السوق ربنا يرحمه ويصبر اهله.
#حق_عبدالرحمن_لازم_يرجع
#بلاغ_للنائب_العام
#بلاغ_لمديرية_امن_اسكندريه
#عريس_في_الجنه_ان_شاء_الله
#ربنا_يرحمك
