تفاصيل "الفواتير والمخالفات" اللتييتم التحقق فيها بنيابة الأموال العامة مع مجلس الزمالك السابق ملفات تقيلة قوي تخص فلوس النادي أيام المجلس اللي فات، والمبالغ المتعلم عليها سبوبة إنشاءات فرع أكتوبر والأصول: 361.6 مليون جنيه: دي فلوس اتلمت عشان نبني فرع أكتوبر، بس للأسف طارت واتصرفت في حاجات تانية خالص، ولا حتى اتحطت في حساب لوحدها زي ما المفروض يحصل! 3.15 مليون جنيه: اتصرفت كاش يدوي" لحساب شركة المقاولون العرب، والمصيبة لايوجد إيصال رسمي واحد يثبت إن الفلوس دي اندفعت فعلاً! 1.2 مليون جنيه: اندفعت تصالح" (بنسبة 25% من إجمالي 4.9 مليون) عن مخالفات مباني اتعملت من غير ترخيص 499.7 ألف جنيه: تمن مولد كهرباء اتشرا واترمى في الحوش من سنة 2017، لا حد استخدمه ولا حتى أمنوه، صدى وخلاص! العضويات والفلوس اللي ضاعت على النادي: 731.4 مليون جنيه: يا بلاش! دي إيرادات ضاعت "هدر" بسبب فروق الإعانة الإنشائية للعضويات الجديدة. 297.1 مليون جنيه: مبالغ مكنش المفروض تضيع، بس راحت عشان اتعملت عضويات استثنائية مخالفة للقانون. القروض، العجز، واللعب في الدفاتر والبنوك: 33.7 مليون جنيه و 2.5 مليون دولار: قروض النادي لم يتم سدادها في وقتها،وتم دفع فوائد وغرامات تأخير 19.5 مليون جنيه و 13.8 مليون جنيه: فلوس وشيكات النادي جمعها ولكن لم تورد للبنوك ولا اتقدمت للصرف.. راحت فين؟ الله أعلم! 511 ألف جنيه: عجز كاش في الخزنة! ده غير إن فيه فرق 4.98 مليون جنيه غير المكتوب في الدفاتر وبين اللي لقوه فعلياً وقت الجرد. 108 آلاف دولار و 12.9 ألف يورو: عملات أجنبية كانت مستخبية وسط الفلوس النقدية من غير أي سبب مفهوم. الخسائر، المصاريف، والغرامات القضائية: 32.5 مليون جنيه: خسائر في ميزانية النادي عشان صرفوا على الإعلام وهم هزازى الرؤس من غير ما يجي من وراه أي إيراد. 4.2 مليون جنيه: غرامات تأخير لبسها النادي عشان مادفعوش مستحقات التأمينات الاجتماعية في وقتها. 4.11 مليون جنيه: غرامات تأخير قسط قرض بنك CIB، عشان مابيعملوش مقاصة مع إيجارات البنك الأهلي. 1.35 مليون جنيه: "ريحة اختلاس عند أمين الخزنة، والغريبة إن مفيش أي إجراء قانوني اتاخد ضده 640 ألف جنيه: فلوس اتصرفت من خزنة النادي عشان قضايا شخصية تخص رئيس المجلس بصفته "الشخصية" مش النادي. 300 ألف جنيه: "شبهة" استيلاء وتلاعب في ورق، اتصرف على أساس إنه رايح للضرائب بس مصلحة الضرائب ماشافتش مليم منه 44.8 ألف جنيه: فواتير كهرباء اتصرفت مرتين! مرة بالأصل ومرة بالصورة الزرقاء.. ده غير إن فيه شكوك في صحة صرف 187.6 ألف جنيه تانية. التحقيقات لسه شغالها، وربنا يستر على اللي جاي.. الزمالك الأموال_العامة فسادرياضي وقمة الضحك والاسفاف من اجل الضحك على جمهوره دائما يردد فين الساعات يا خطيب ولكن اتذكر قول الله تعالى. ان الله لا يصلح عمل المفسدين