معلومات لازم تعرفوها عن الحضارة المصرية القديمة ! . مفيش حاجة اسمها اللغة الهيروغليفية الهيروغليفي خط مش لغة اسمها اللغة المصرية القديمة بخطوطها الاربعة هيروغليفي وهيراطيقي وديموطيقي وقبطي . مصر فيها أكتر من ١٠٠ هرم في أماكن كتير بعضها مكتمل والباقي لا ، مش أهرامات الجيزة بس . رمسيس الثاني مش فرعون موسى رمسيس مات بعد ما تجاوز التسعين ، عنده أكتر من ١٠٠ ولد و بنت آثاره في كل حتة بره و جوه مصر ! . الملكة نفرتيتي ملهاش مقبرة ولا موميا لحد دلوقت وبندور عليها ، فأي بوست عن شكلها بناءا علي موميائها هبد . مفيش حاجة اسمها عروسة النيل دي أكتر كدبة عن الحضارة المصرية و بدأها هيرودوت وكبرها وزود عليها المؤرخين العرب فكل القصص المبنية عليها كدب الحضارة المصرية معندهاش قرابين بشرية الكلام ده عند المايا والاوزتيك مش احنا ! . اللي قسم التاريخ المصري لأسرات وعصور كان المؤرخ المصري مانيتون السمنودي في عصر البطالمة . زواج الإخوة كان في حالات معينة في الأسرة الملكية المصرية حفاظا على الدم الملكي يعني ال ٥٥١ ملك اللي حكموا مصر مش كلهم اتجوزوا اخواتهم وطبعا الكلام ده مكنش موجود عند عامة الشعب ! . في ٢٠١٠ خضع الملك توت عنخ امون لفحوصات ال DNA وقدرنا من خلاله نعرف انه ابن الملك اخناتون وسيدة مجهولة معروفة بالسيدة الصغري وقدرنا نتعرف علي هوية اخناتون نفسه . الملك بيبي الثاني جلس علي عرش مصر وعمره ٦ سنين وحكم لمدة ٩٥ سنة وتعتبر من أطول فترات الحكم في التاريخ لكن انتهي عهده بثورات وفوضى عارمة أدت لغرق مصر في الظلام والخراب لعشرات السنين والمعروف بعصر الاضمحلال الأول . الملك تحتمس الثالث دخل أكتر من ١٧ معركة كبرى ومتهزمش علي الإطلاق ومش بس كده ده كمان صاحب أعظم امبراطورية في العالم القديم لدرجة انه كان بياخد أولاد الحكام الخاضعين ليه يربيهم عنده عشان يضمن ولائهم وأصبح قدوة للملوك من بعده سمنخ كار رع مش هو الملكه نفرتارى لان وجد خرطوش مكتوب داخل مقبرته بيدل انه شخص اخر واخر حاجه اللى بنا الاهرامات هما المصريين القدماء وفى مدينه كامله اسمها مدينه العمال تشهد وتدل ان كان فى عمال مصرييين بشتغلوا ليل نهار عشان نشوف اعظم حضاره مش قوم عاد ولا السودان ولا افريقيا افتخر بأنك مصرى وتعيش على أرض مصريه