كان اسمهم امهات مش ماميز بس بيعرفوا يربوا مكانووش متعلمين بس كانوا متنورين وعندهم بصيرة محققوش حلمهم بس كانوا نفسهم يشوفوا ولادهم احسن منهم كانوا بيحمسوا ولادهم ويزرعوا فيهم الطموح وحب المنافسة والامل فى بكره مكانوش بيشتروا لولادهم شنطة ماركة ولا بيدوهم لانش بوكس متعبى وجبات سريعة بس كانوا بيهتموا ياكلوهم خضار وفاكهة واكل صحى ما كانوش بيلبسوا ولادهم هدوم اغلى واحدث موضة بس كانوا بيلبسوهم هدوم نضيفة ومغسولة ومكوية مكانوش بيربوا على الدلع الماسخ والمفهوم الغلط للحرية كانوا بيعلموهم الاخلاق والادب وازاى يقول من فضلك ولو سمحت وشكرا كانوا بيعلموهم قم للمعلم وفه التبجيلا كاد المعلم ان يكون رسولا مش روح اضرب المدرس وهزاه واشتمه واعمل راسك براسه واللى فى زمايلك يلمسك اضربه وافتح دماغه!!! كانوا بيشتروا لهم قصص وكتب ومجلات وورق والوان وخيط وكنفاه ويعلموهم هواية جنب الدراسة كانوا بيقولوا لولادهم نفسي اشوفك ظابط ..نفسي اشوفك مهندس نفسي اشوفك دكتور نفسي اشوفك طيار نفسي اشوفك مدرس نفسي ونفسي احلام كبيرة زرعوها فى عقل ولادهم مكانوش بيقولوا لهم بص شوف المطرب الفلانى اللى معهوش شهادة ولا متعلم معاه فلوووس كتير وبيكسب فلوووس كتير ازاى وده اللى حاله وحظه احسن فى البلدى !!! كانوا بيفسحوهم فى حديقة الحيوان والجنانين المفتوحة والمتاحف والمعالم الاثرية مش بياخدوهم الكيدز ايريا ويحبسوهم زى القطط لحد ما يخلصوا هم قعدتهم فى الكافيه !!!! كانوا بيربوا اجيال وبيطلعوا رجالة وتلاقى الطفل عنده ١٠ سنين كله لباقة وثقافة واحترام وعيونه بتلمع من الذكاء والبنت زيه مفوهة الكلام ولها طلة وشياكة والعقل يوزن بلد ما كانوش بيطلعوا اطفال بملامح بلاهة تطلع تصرخ فى فيديوهات وتحسبن على المناهج وعلى التعليم وعلى الوزارة كانوا وكاااااانوا وكانوا وما يخلصش فيهم الكلام امهااااات زماااان اوقفوا تكاثر وانتشار كائنات الماميز