انحلال خلقى وشذوذ وخيانه ولا يوجد احترام لدين ولا عادات وتقاليد ولا اى شئ شلة صحاب بيتقابلوا ويسكروا وفجأة يلعبوا لعبة فينكشفوا قدام بعض اول شئ غلط ومش من الدين أن كل بيت وليه خصوصية وان الجهر بالمعصية حرام وان العلاقة بين اى زوجين علاقه خاصة ومينفعش تكون مشاع للناس وخصوصا العلاقه الحميميه ال المفروض أن الفيلم جاب استاذه منى ذكى انها بتشتكى لكل ال قعدين أن جوزها مش بيقربلها ولا فى اى حياء بحجه أنهم صحاب ما هذا الارف ! نيجى للنقطة المهمه أن أستاذة منى ذكى بتقوم بخلع ملابسها الداخليه وهى خارجه مع جوزها عشان هى مصحبه واحد من الفيس بوك وان المفروض أن ده عادى وان الفن رساله ما هى الرساله من هذا أستاذة منى ؟! بدون تعليق طبعا .وبعدين الصحاب بيتجمعوا سوا ويشربوا الخمرة فى يوم خسوف القمر ال المفروض فى الدين أن وقت الخسوف ده الناس بتصلى فيه لربنا وتدعى .نكمل بقا فى بنت واحد من الشله على علاقه مع شاب تحت رعايه ابوها هى بصراحه بتاخد رايه ينفع يا بابا انام النهارده عند صحبى زى المتجوزين طبعا هى كده عداها العيب خدت رأى باباها ! ما هذا الأرف والانحطاط والسفالة ومش بس كده دى مامتها بتخون باباها مع واحد من الشلة صاحبهم وصاحبهم ده بيخون مراته ال هى صحبتهم مع واحده فى الشغل معاه وكمان بيخونها مع مرات صحبه ال هى أم البنت ال على علاقة بصاحبها تحت رعايه باباها وان ده عادى جدا ومفهوش اى حاجه حرام ولا عيب ومش بس كده ده الاستاذ اياد نصار ال المفروض أن زوج منى ذكى فى الفيلم بيخونها مع وحدة وبتبعتله صور عارية مع أن مراته قدامه فى الحلال بس هو بيحب الحرام وشايف أن مراته راجل فمراته تعمل ايه بقا تخونه مع واحد من على الفيس بطريقه قذرة جدا وألفاظ وهو يعرف أن مراته بيتبعتلها مسدجات خارجه بألفاظ قبيحة .مش دى بس المشكله .المشكله أن أستاذة منى دورها يعنى فى الفيلم شايفه أن ال بتعمله عادى مادام مش بتقابل ال بتخون جوزها معاه وإن دى حاجه عادية وليها مبرر. وبعدين يكتشفوا أن فى واحد من صحابهم ال معاهم شاذ جنسيا لما بيتصل بيه صحبه وبيقوله انت بتكدب عليه ومش عايز تشوفنى وطبعا ده غير الالفاظ ال اتقالت فى المكالمه فى المشهد مصدقتش كمية الانحطاط والاسفاف بصراحة . وان الشاذ ده الطيب والجدع ال فيهم والمظلوم وان الصاحب يتاخد على عيبه وهما المفروض ميدخلوش والمفروض انهم يقفوا جمبه ويدعموه كمان . يعنى شرب خمرة وشذوذ وخيانه وانحطاط .الخيانه بقيت شئ عادى وليها مبرر والشذوذ حرية شخصية وان البنت تبقى على علاقه حميميه مع شاب تحت رعاية ابوها وامها ده عادى وانهم مربيين بنتهم أنها تاخد قرارات بنفسها وشرب الخمرة . وكل حاجة حرام وغلط بقيت عادى وتمام . فعلا حاجة تحزن ما وصلنا إليه من إسفاف وانحطاط أخلاقي الهدف منه محاربه الدين الاسلامى وكل القيم والأخلاق طبعا معروف مين هما المسيطرين على المواقع ال بتعرض الأرف والاسفاف ده .نسينا ال ربنا أمرنا بيه نسينا ديننا وناس بتدافع عن الممثلين ال فى الفيلم عشان الفن رسالة ما هى رسالة الفن من هذا الفيلم المنحط؟! .بس العيب مش فى المسيطرين على هذه النوعية من الأفلام العيب على الممثلين المصريين المسلمين ال وفقوا يمثلوا فى فيلم زى ده. هذا الفيلم لم يتناول اى شئ صح ومن الدين الاسلامى. الأستاذة منى ذكى ال فرحانه وهى مسكة كاس الخمرة وبتتروشن والمشكلة انها مش عرفه حتى تكون روشة ومتعلمتش من غلطتها فى فيلم إحكى يا شهر زاد وعادت الغلط تانى بس على أقذر بكتير فقدتى الناس ال بتحبك وسقطى من نظرهم واستاذ اياد نصار بعد ما عمل دور الشهيد محمد مبروك فى الاختيار ٢ يطلع بدور زى ده ليه؟! سؤال لتانى مرة ما الهدف من هذا الفيلم المنحط؟! الهدف هو نشر الأفكار القذرة والهدامة لعقول الشباب ونسيان دينهم وعقيدتهم وكل التعاليم الدينية ال اتربينا عليها وتشويه سمعة المسلمين والدين الإسلامى هو ده الهدف الواضح من الافلام ال زى كده. ان لم تستحي فافعل ما شئت