السلام عليكم ورحمة الله وبركاته..... ومطولش عليكوا وقولولي طول.... ولو انت مش داري باللي بيحصل فالكوكب... ف فكوكب تحيا مصر.... السيسي من كام يوم كان بيفتتح مشاريع ف اهم مجرى ملاحي عالمي ودا ولمؤخذه مش كلامي دا كلام العالم كله.. دا لما سفينه بس اتحشرت فيه كل العالم من شرقه لغربه كان هيتجنن وحياتهم كانت على المحك وعلشان كدا السيسي بيقولهم أهه إحنا بنطورها وبنوسعها بس لو حصل ف الامور امور نقدر نقلب العالم كله ونوقف المراكب الساريه السيسي كمان قال .... إحنا مقدرين قلق الشعب المصري ف موضوع السد بس كله ب آوانه ومتستعجلوش علشان تاخدوا حاجه نضيفه مصر مش هتفرط ف حقها طب والله الكلمتين دول من واحد زي السيسي عمره ما كذب علينا مش يطمنونا وبس دول يطمنوا الكوكب كله وع الناحيه التانيه من الكوكب.... ربنا كبير وبيرفع ستره عن الناس فى الوقت المناسب.... طب بلاش الإختيار واحد ولا الإختيار اتنين.... دى مسلسلات و هنقول ان الدولة بتحاول تشوه صورة المجاهدين.. المجاهدين بقى يا سيدى وماسيدك إلا أنا.. هم اللي سموا نفسهم بيت المقدس مش حد تانى اللي سماهم.... يعنى الطريق للقدس و تحرير بيت المقدس هدفهم... تفتكر يعنى مجتلهومش الفرصة بكل الأموال اللي جاتلهم من قطر وتركيا أنهم يجندوا شباب ف فلسطين...وينتهزوا الفرصة الحالية بقا ويبتدوا سلسلة هجمات وتفجيرات على جنود إسرائيل اللي بيدنسوا بيت المقدس بأحذيتهم... ولا هما مبيعرفوش يفجروا غير الجنود المصريين!!! يعنى هدفهم الجنود المصريين بس ... مش الصهاينة.. الصورة واضحة من زمان قوى.. وعلى رأى عبدالمنعم مدبولى كل شىء انكشفن وبان... ويا ريت فى وسط الهيصة دى مننساش تصريح البلتاجى لما قال..... ما يحدث ف سيناء سيتوقف فى اللحظة التى يتراجع فيها عبد الفتاح السيسى... ولا يختااااي هتاف صفوت حجازى على القدس رايحين شهداء بالملايين.. ولو كانت الفرصة مش متاحة لإخوان الداخل عشان الجيش المصري ولمؤاخذه هيمنعهم زي ما بيقولوا .... طب إيه رايك بقى في إخوان غزة طب دول معندهومش جيش مصرى يمنعهم...ولا يحزنون... طب معلش ولمؤاخذه ف السؤال.... هى السفن التركية ما تعرفش تنقل مرتزقة من سوريا لإسرائيل اللي جمبهم زى ما بتنقل ل ليبيا البعيدة عنهم... بلاش جنود..ما تعرفش توصل لحماس طائرات مسيرة زى ما بتعمل إيران مع جماعة أنصار الحوثي ... مصر صحيح هدت الانفاق اللي سمح بها مبارك علشان الأسلحة اللي عدت من الانفاق رجعت تانى سيناء للهجوم على الجيش المصري... طب مفيش طريق تاني من لبنان ولا سوريا ولا الأردن مثلا.... الخلاصه علشان منوجعش قلبنا ف الكلام... مصر خلاص رسمت خط لمستقبلها وتطورها وتقدمها ومحدش هيقدر يوقفها ولا حد هيقدر ياخدها فحروب جانبيه مصر مركزه ف ٢٠٣٠ هتكون فين العالم كله دلوقتي بيتكلم عن عظمة التجربه المصريه والسلام عليكم ورحمة الله وبركاته تحيا مصر تحيا مصر تحيا مصر