الكاتب : طاهر عنان
،#كلاااااااااااام_صريح
سد النهضة ( وُلِد ميتاً )
1- فكرة السد من 50 سنه و أكتر , و مش أثيوبية خالص , اللي بيفكر و يخطط حد تاني , أثيوبيا مجرد أرض للمعركة .
2- أبي أحمد خد جايزة نوبل للسلام , دي المكافأة بتاعتة من نفس الجهة اللي خططت لفكرة السد واللي بتشرف عليه ( بالمناسبة اللي واخد جايزة نوبل للسلام ده قتل و اغتصب الألاف من الأبرياء في إقليم تيجراي , مش بس كده , ده استعان بقوات إريترية عشان تساعده في قتل و اغتصاب شعبه , و أمريكا بتقولك هندرس الموضوع و هنبقى نشوف !! ) .
3- مفاوضاتنا احنا في سد النهضة كانت عشان نقف على رجلينا بعد خراب 2011 ( الوقت اللي بدأو فيه بناء السد ) , نقف على رجلينا بمعنى اقتصاديا و سياسيا و أمنيا و عسكريا , و احنا حاليا في 2021 جاهزين يافندم , احنا اللي بنختار التوقيت .
4- معركتنا الحتمية ( معركة المياة ) مش مع أثيوبيا , إنما مع اللي مشغلها و مدورها , اللي هو بالتأكيد مش أبي احمد
( ده مجرد صبي لتنفيذ التعليمات ) .
5- اختيار أثيوبيا كأرض للمعركة اختيار عبقري لأنه باختصار الشعب الأثيوبي تحت خط الفقر بسبعتاشر خط , ماعندهمش حاجه يبكو عليها , لا تنميه ولا مشاريع ولا بنية تحتية , احنا بنتكلم على مجتمعات بدائية جدا و دي نقطة قوة أثيوبيا الوحيدة و الحصرية , إنها صفر و بالتالي مفيش حاجه تخسرها .
6- سد النهضة أصلا بكل أرقامه مجرد حباية منوم للشعب الأثيوبي اللي مش دريان بأي حاجة , الكهربا اللي هتطلع من السد تعادل كهربة محطتين اتنين من محطات سيمنز اللي عملناهم , و أثيوبيا ماعندهاش بنية تحتيه لتوصيل الكهربا دي و يوم ماتعمل بنيه تحتية عايزه عشرين سنه كمان و وقتها هتوصل الكهربا فقط ل 60 % من الأراضي الأثيوبية , يعني لا هتصدر ولا هتجيب عملة صعبة ولا الشعب الأثيوبي هيعيش في الفخفخينا .
7- خطط الحرب أعتقد مصر واضعاها من سنين , و هي خطط مش خطة واحده , والمفاوضات برضه كانت لتستيف أوراق قدام المجتمع اللامؤاخذه الدولي ( أصول اللعبة كده ) عشان محدش ييجي يتعولق علينا و يقول ماقولتولناش ليه و ماتفاوضتوش ليه ؟.
8- هل لو اضطررنا لضرب السد هتبقى مجرد عملية لإسقاطه ولا هنطربقها على دماغ الكل ؟ ماعرفش بس المنطق بيقول إنها هتبقى خطوتين , خطوة ضرب السد أولا , و لو اثيوبيا بعدها ضربت طلقة واحده ناحيتنا هنطربق المعبد على دماغهم .
9- طب لسه فيه احتمال تاني ؟
أه احتمال إن اللي مشغلين الصبي الأثيوبي بعد مايشوفو جديتنا في الموضوع و مناوراتنا العسكرية و جاهزيتنا القتالية يلمو الكتاكيت في اللحظة الأخيره
( زي ما حصل في ليبيا ) عشان اكيد هيحسبوها حسبة مكسب و خساره لهم و لنا , و من ضمن حسبتهم مصر هتكسب ايه غير اسقاط السد و جريان النيل ؟
هتكسب إن عبد الفتاح السيسي هيبقى ملك متوج على عرش مصر مدى الحياة , يعني هيقعد لهم 40 سنه جايين .
حافظ على ثباتك فانت المستهدف
اذا كان الشعب المصرى يباهى نفسه بقواته المسلحة فان الجيش العظيم يتباهى دوما بشعبه الذى يقف خلفه ويمنحه رصيدا من الثقه والتقدير
سنقتص من كل عدو يتوهم ان "مصر" تُستباح او تُهان ..
سنقتص من كل من قتل .. او حرض .. او دبر ..او برر .. او دعم .. او استحسَن..
و الله الذى لا إله إلا هو .. لن تكون مهانة .. و لن يكونوا ..
