من الآخر قصة السوبر ، وهذا الكلام موجه للزملكاوية مش للأهلاوية لكى يعلموا أن اعلامهم و رئيس النادي المعزول هم من بيضللونهم و هذا الكلام بالأدلة و انت كزملكاوي مضحوك عليك طول الوقت و مرتضى و الإعلامين بنادي و قناة الزمالك بيعتمدوا على إن ليك ذاكرة السمكة و بتنسى بسرعة . أولا : - يوم الجمعة اللي الماضى مرتضى منصور نفسه نزل فيديو قال فيه لازم لجنة التظلمات تجتمع ،أياً كان القرار ، لو قالو كهربا برئ إحنا اول ناس هنروح الماتش ، بس المهم اللجنة تجتمع إحنا في دولة قانون و إحنا بنحترم القانون ) و إجتمعت اللجنه و أخدت قرار بتعليق النظر في العقوبة لحين الفصل في الدعوى القضائية المقدمة من النادي الأهلي وأخذت اللجنه القرار فلماذا لا تلعب المباره وثانى فيديو أروح الإمارات ألعب ماتش مع بطل الدوري الإماراتي فى الفيديو بتاعك اللي نزلته على قناتك و تروح تلعب السوبر من باب أولى اللجنة إجتمعت و خرج قرار مش عايز تروح تلعب ليه ليس لها حل غير أنك مرعوب من الماتش واحد يقول لى مش حنلعب لإن الأهلي خالف قانون الفيفا و راح للقضاء الإداري و لجنة التظلمات لم تصدر قرار و علقت النظر في التظلم لحين البت في الدعوى القضائية المرفوعة من النادي الأهلي بالطعن في شرعية لجنة الإنضباط . و يعرض الاهلي لعقوبات من الفيفا . أوضح لك النقطه الثانية و إنت تفهم انه مضحوك عليك و المرة دي من ميدو ثانياً : - صرح ميدو و قالك الاهلي معرض لعقوبات دولية علشان لجأ للقضاء الإداري و لو ذهبنا للفيفا النادي الاهلي سيتعرض لعقوبات ضخمة . أرد و أقوله لو كنت ناسي أفكرك المعزول و نادي الزمالك هو أكثر نادي لجأ للقضاء الإداري لحل منازعات في الرياضة في أكثر من مناسبة وآخرهم من شهرين في قضية قيد اللاعبين لما لجأ لمجلس الدولة علشان يقيد الثلاثي ( ناصر منسي و بلحاج و شبانة ) و إختصم الوزير أشرف صبحي وزير الرياضة و جمال علام رئيس إتحاد الكرة ، اللي بالصدفة يا مؤمن هما اللي الأهلي مختصمهم في الدعوى اللي رافعها في القضاء الإداري دلوقت ما إتكلمتش ليه و قلت غلط و لا ماكنتش خايف لنادي الزمالك تقع عليه عقوبات دولية ضخمة بعد خروج مرتضى من السجن لجأ للقضاء الإداري لكى يوقف تنفيذ حكم عزله من رئاسة النادي و عدم تنفيذ اللائحة التي تنص على عزله من منصبة لصدور حكم مقيد للحريات ضده . و بالفعل قام السيد أشرف صبحي وزير الرياضة بتعليق تنفيذ قرار العزل لحين البت في الدعوى المرفوعة من مرتضى منصور . و هو بالمناسبة نفس السبب لجنة التظلمات لم تاخد قرار في موضوع كهربا و علقت الحكم اين انت وقتها يا ميدو و لا كان عادي و حلال وقتها و ازيدك كمان إن سبب لجوء الأهلي للقضاء الإداري إنه مش رايح في شأن رياضي خالص ، الاهلي مش رايح للقضاء علشان يوقف او يرفع عقوبة كهربا ، دة بيطعن قانونا في شرعية لجنة الإنضباط لأن اللائحة تقول يتم تشكيلها بالإنتخاب و هو الأمر الذي لم يحدث . يعني الأهلي لم يذهب لشأن رياضي على عكس رئيس ناديك الذى رفع قضية في نفس القضاء الإداري إلذى لم يعجبك الان لشأن رياضي و هو قيد اللاعبين أزيدك من الشعر بيت الأهلي و من قبله الزمالك ذهبوا للقضاء الإداري لإن المحكمة الدستورية العليا أوقفت عمل مركز التسوية و التحكيم الرياضي وكان من المفروض ان يذهبوا القضاء دي سواء أهلي أو زمالك . آخر قرار أخده مركز التسوية و التحكيم و من بعده خرج قرار بعدم شرعيته كان أيه الحكم لصالح النادي الاهلي بمبلغ 2 مليون دولار من اللاعب ( عبد الله السعيد ) و من بعدها مركز التسوية و التحكيم ماشافش نور و مجلس الدولة علشان يوقف الحكم أقر بعدم شرعية اللائحة المعمول بها لمركز التسوية و التحكيم و بالتالي عدم قانونية احكامه . و طبعا ده لإن الأهلي نادي الدولة فبيعطل حكم هو لصالح النادي الاهلي . ثالثاً و أخيراً لما اخرجت لجنة الإنضباط قرار بإيقاف إمام عاشور و عدد من اللاعبين الشباب لنادي الزمالك في قضية فيديو سب رموز النادي الأهلي الشهير . خالد الغندور على قناة الزمالك كان بيطالب بعدم تنفيذ العقوبة و تعليقها لأن الإستئناف يوقف تنفيذ الحكم و الغندور بنفسة على القناة الرسمية للنادي كان يقول الجملة السابقة حرفيا الإستئناف لازم يوقف تنفيذ الحكم مع الأخذ في الإعتبار إن الأستاذ ( عمرو الجنايني نفسه الذى كان رئيسا لاتحاد الكرة وقتها و السيد الوزير خرجوا وصرحوا في تصريحات رسمية و موجوده إن نادي الزمالك تقدم بإستئناف على اللاعبين الشباب فقط و لم يستأنف على عقوبة إمام عاشور . و ضع فى تفكيرك لم يتحدث من إدارة النادي أو من إعلاميين نادي و قناة الزمالك خرج قال الكلام دة كدب و إحنا قدمنا إستئناف على عقوبة ( إمام عاشور ) مما يعني أنه بالفعل لم يتقدم النادي بأي إستئناف يخص اللاعب المذكور لذا تم تنفيذ العقوبة بالكامل عليه و لم يجرؤ أحد من الشئون القانونية في نادي الزمالك على الإعتراض لعلمهم بضعف موقفهم . طيب غضبان ليه ان استئناف الاهلي على عقوبة كهربا اوقف تنفيذ العقوبة ؟؟ هل هو حلال للزمالك حرام للاهلي أخي و صديقي الزملكاوي ، بلاش تمشى ورا أي كلام و أبحث بنفسك و أرجع لمواقف مماثلة سابقة حصلت مع ناديك شخصيا و شوف الكلام كان فيها من نفس الإعلاميين كان إيه على القناة الرسمية بتاعة النادي . و الكلام أصبح أيه في نفس المواقف بس اللي إتغير هو إسم النادي فقط ، ستعرف ان الكلام بيتغير حسب المصلحة و الاهواء مش حسب القانون