اول رائده فضاء مصريه سارة صبري هى أول رائدة فضاء مصرية تناظرية درست الهندسة الميكانيكية والطب الحيوي في إيطاليا وبعد كده درست هندسة طيران في معهد ماساتشوستس للتكنولوجيا، وسارة دلوقتي هى المدير التنفيذي ومؤسس مشارك في Deep Space Initiative (DSI) ، وهي شركة غير ربحية تهدف إلى إتاحة الفرص وزيادة أبحاث الفضاء. سارة كمان مستشارة لوكالة الفضاء المصرية وبتشارك في تأسيس برنامج سفراء الفضاء في مصر وبتساعد مصر في بناء أول محطة بحث تناظرية في إفريقيا. رواد الفضاء التناظرين هما اللي بيتلقوا تدريب كأنهم رواد فضاء حقيقيين في ظروف محكاة كأنها مهمة في الفضاء والغرض من ده تحديد كل التفاصيل وتوقع المشاكل قبل إطلاق أي رحلة. وبيتم وضعهم في كل الظروف زي انعدام الجاذبية واربتداء ملابس الفضاء والحبس في أماكن مغلقة لفترات طويلة عشان يجربوا التأثيرات النفسية اللي بيعيشها رواد الفضاء. سارة شايفة إن مجال الفضاء محتاج ستات اكتر خصوصا عرب، وعشان كده هى انشأت مبادرة Deep Space اللي بتساعد اكتر في ده. ونفسها يكون فيه مصريين اكتر في المجال وعشان كده بتساعد في بناء أول محطة بحث تناظرية في إفريقيا