🔴 فشل ولا مفشلش ؟؟؟ ازاي احنا عمالين نقول ان الملء التاني لسد الوكسة فشل .. و في نفس الوقت هما في أثيوبيا بيحتفلوا بإكتمال الملء الثاني .. و الزياطين زايطين على زياطهم ؟؟ هفهمك واحدة واحدة .. بالمعلومات و الارقام .. بس ركز و متنامش مني .. احنا في اجازة موراناش حاجة .. و احكم بنفسك فشل ولا مفشلش .. انت عشان تنجح في مهمة لازم تحقق المستهدف بتاعك منها مش مجرد تعملها و زي ما تطلع .. زي الامتحان .. انت بتنجح لما بتحقق درجات النجاح .. مش لما بتسلم الورقة و انت عاكك جوه .. حتى لو طلعت تحتفل ان الامتحان خلص و طز في النتيحة .. هو ده اللي حصل بالظبط .. اثيوبيا السنة اللي فاتت حجزت 5 مليار متر مكعب مياه ورا السد في الملء الاول .. و اعلنوا ان المستهدف في الملء الثاني هو تخزين 13.5 مليار متر مكعب كمان .. تمام ؟؟ طب كمية الملء التاني دي تأثر علينا ؟؟ اه طبعًا تأثر .. يمكن مش في ساعتها لإن احنا عندنا مخزون ميه كويس ورا السد العالي يمشينا شوية لكنه هيبدأ يقل طبعًا في سنة بالكتير .. و عشان يعرفوا يخزنوا 13.5 مليار متر مكعب مياه كانوا لازم يعلوا الجدار الاوسط اللي المياه بتتحجز وراه من 565 متر الى 595 متر فوق سطح البحر .. يعني يعلوه 30 متر فوق .. قبل فيضان السنادي بتاع شهر يوليو اللي احنا فيه ده .. طب و ايه اللي حصل .. اللي حصل يا باشا ان ال 30 متر دول معرفوش يعلوا منهم الا 8 متر و شوية بس .. يعني السد وصل 574 متر بس بدل 595 و مكملوش .. ناس بتقول لأسباب تمويلية .. و ناس بتقول عشان اخطاء انشائية و عيوب بناء في جسم السد .. و بكده الـ 8 متر دول يقدروا يحجزوا قد ايه من الـ 13.5 مليار متر مكعب المستهدف؟؟ يادوب 2.5 مليار بس .. اول ما يتم تخزينهم هتكون مية الفيضان ارتفعت لحد حواف الجدار الاوسط و بعدها تبدأ الميه تتدلق من فوقيه عادي خالص في مجراها الطبيعي .. طب الـ 2.5 مليار دول يأثروا علينا ؟؟ لا خالص ميأثروش ولا حتى يقللوا مخزون الميه اللي ورا السد العالي في المدى القريب .. ولا المتوسط .. لأ و الادهى بقى ان الامطار كمان هطلت بغزارة فوق بحيرة السد اكتر من المتوقع فتلاقي الـ 2.5 مليار اللي اتخزنوا دول منهم حوالي مليار ماء امطار مش ماء فيضان النيل .. و ده اللي يفسر السرعة الرهيبة اللي خلص بيها الملء .. يا راجل دانا لو بملا برميل ميه بخرطوم بينقط هاخد وقت اكتر من كده .. و بكده اثيوبيا عشان تخزن اي حاجة تانية لازم شرطين ... اولاً يعملوا التعلية المطلوبة للجدار .. ثانيًا يستنوا بقا الفيضان الجاي كمان سنة و عليك خير .. يا مين يعيش .. يبقى كده الملء فشل ولا نجح ؟؟ اصحى متنامش قلتلك .. كانوا مستهدفين 13.5 مليار متر مكعب مياه خزنوا منهم 2.5 مليار بس .. و الفيضان مكمل في سكته و حصتنا واصلالنا بالدليڤري .. يبقى فشل طبعا .. مفيش كلام .. امال هما بيحتفلوا بإيه ؟؟ بخيبتهم بعيد عنك .. بيحتفلوا ان الميه وصلت لحافة الجدار الاوسط .. و خلاص لموا المعدات بتاعتهم و مشيوا عشان الميه هتدلدق من فوقه .. يا بني انت محققتش المستهدف بتاعك ولا الربع ولا الخمس ولا السدس حتى منه .. مش مهم انا بحتفل اني سلمت ورقة الامتحان و بس .. امال يعني يقولوا انهم فشلوا وعاكين في الورقة .. يعني خلاص معنى كده ان القضية خلصت و اتحلت و نحتفل بقى ؟؟ لا طبعا ماخلصتش .. ده لسه الموضوع كبير .. مفيش حاجة اسمها اثيوبيا تحط سد تاخد الميه بتاعتي و انا اخد كلمة شرف و وعد منهم انهم هيسيبونا نعيش كتر خيرهم .. لكن كل اللي حصل ان عامل الوقت اللي كان ضدك بقى في صالحك .. لو كانوا قدروا يخزنوا فعلا 13.5 مليار متر مكعب مكانش مخزون الميه ورا السد العالي هيصمد كتير و كان هتبقى بتطارد في الوقت و تتصرف و انت تحت ضغط شديد .. اما بعد الفشل ده .. عامل الوقت بقى ضدهم هما .. الجبهة الداخلية متصدعة .. اثيوبيا مولعة و بتتفكك .. و كل يوم ازماتهم بتزيد .. و قبل الفيضان بتاع السنة الجاية ده هيكون الوضع في اثيوبيا اتنيل بستين نيلة الله اعلم ازاي .. و انت ساويت كل ملفاتك على رواقه عشان توصل للي انت عاوزه .. شفتوا بقى كانوا ليه عمالين يستفزونا لضرب السد ؟؟ و ليه الاخوان و مراكيبهم و دلاديلهم و الزياطين و الهرايين كانوا عمالين يزنوا اضرب السد اضرب السد ؟؟ عشان الورطة دي كانت تختفي .. و محدش يشوف فشل الملء فعلا .. كانوا عاوزين يخلصوا من السد .. و يورطونا .. و اهو بالمرة يوحدوا جبهتهم الداخلية .. تحية للقيادة السياسية العاقلة الرشيدة .. اللي عندها كل ما يلزم من معلومات حقيقة لاتخاذ القرارات السليمة .. مش الاندفاعية ولا العاطفية ولا الجماهيرية .. الوقت بقى في صالحنا .. و يمكن قبل السنة ما تعدي ميبقاش فيه سد .. او مفيش اثيوبيا اصلاً .. تحيا مصر تحيا مصر تحيا مصر